2009-10-03
Batik'tuta
 grafis: adoel |
HARI Batik Nasional nang jatuh tanggal 2 Oktober kemarian ternyata menarik perhatian Ibur dan kekawanannya. Banyak kesah nang dipandirkan bubuhan waluh ni. Mulai dari serius sampai nang kada serius.
Sulai nang bekawal higa rumah wan Ibur membuka kesah batik pina serius. "Unda pokoknya kada terima mun batik diakui negara Malaysia, kada sudi," sahut Sulai.
Sama wan pendapat si Sulai, Hidup nang rancak bemain internet pun menkesahkan pengalamannya beperang kata-kata dengan tetangga jiran itu. "Unda kada tahu lagi dah walai, panas telinga panas jua hati, sampai-sampai unda sumpahi tu negara di dunia maya," ujar Hidup.
Sulai nang mandangar Hidup bekesah pun pina serius melawani. Imbah 30 menit kanak bedua ni bekesah, datang si Ibur. Ibur pun betakun wan kawalnya bedua ni, "Apa gerang dikesahkan buan kam tu,?" tanyanya.
"Ini nah kami rami bekesah batik," sahut Sulai yang diiyakan Hidup dihiganya.
Ibur nang kebetulan memakai baju batik ditakuni Hidup. "Bur mantapnya batik kam, di mana nukar,? umpat memeriahkan hari batik jua kah kam bur," takun Hidup.
Ibur nang pina kehimungan dipuji lalui beusung dada. "Bahlah, unda nukar khusus walai gasan hari ni. Ni nah kam pingkuti asli wal, kada nang yang di pasar malam," jarnya.
Ibur pun laluai membuka topik hanyar, "Apa gerang menurut buan kam makna hari batik ni," takun Ibur wan kawalannya.
Sulai nang menjawab duluan menjawab. "Ikam tu lembet datang, aku dah bepadah tadi makna hari batik tu untuk menghindarkan klaim sepihak negara lain walai. Si Hidup bahkan beperang kata-kata lewat internet walai," jarnya. Si Ibur pun memadahi kekawalannya tentang arti batik baginya inya.
"Aku beda wal dengan buan kam, mun pendapatku, hari batik tu adalah hari untuk memperingati pemain bola asal Argentina nang bengaran Gabriel Umar Batik'tuta," jar Utai sambil belalu handak bejalan. (abe/sapos)
Sulai nang bekawal higa rumah wan Ibur membuka kesah batik pina serius. "Unda pokoknya kada terima mun batik diakui negara Malaysia, kada sudi," sahut Sulai.
Sama wan pendapat si Sulai, Hidup nang rancak bemain internet pun menkesahkan pengalamannya beperang kata-kata dengan tetangga jiran itu. "Unda kada tahu lagi dah walai, panas telinga panas jua hati, sampai-sampai unda sumpahi tu negara di dunia maya," ujar Hidup.
Sulai nang mandangar Hidup bekesah pun pina serius melawani. Imbah 30 menit kanak bedua ni bekesah, datang si Ibur. Ibur pun betakun wan kawalnya bedua ni, "Apa gerang dikesahkan buan kam tu,?" tanyanya.
"Ini nah kami rami bekesah batik," sahut Sulai yang diiyakan Hidup dihiganya.
Ibur nang kebetulan memakai baju batik ditakuni Hidup. "Bur mantapnya batik kam, di mana nukar,? umpat memeriahkan hari batik jua kah kam bur," takun Hidup.
Ibur nang pina kehimungan dipuji lalui beusung dada. "Bahlah, unda nukar khusus walai gasan hari ni. Ni nah kam pingkuti asli wal, kada nang yang di pasar malam," jarnya.
Ibur pun laluai membuka topik hanyar, "Apa gerang menurut buan kam makna hari batik ni," takun Ibur wan kawalannya.
Sulai nang menjawab duluan menjawab. "Ikam tu lembet datang, aku dah bepadah tadi makna hari batik tu untuk menghindarkan klaim sepihak negara lain walai. Si Hidup bahkan beperang kata-kata lewat internet walai," jarnya. Si Ibur pun memadahi kekawalannya tentang arti batik baginya inya.
"Aku beda wal dengan buan kam, mun pendapatku, hari batik tu adalah hari untuk memperingati pemain bola asal Argentina nang bengaran Gabriel Umar Batik'tuta," jar Utai sambil belalu handak bejalan. (abe/sapos)
