2009-10-10
Taigut Samut
 grafis: dhana |
Senin pagi biasanya diisi wan apel bendera. Seperti biasanya Ijum (lain ngaran sebujurnya lah) umpat jua bebaris di lapangan sekolahanya. Apel pun dimulai. Kekawanan sekelas Ijum nang ada dihiga, tekaruhing sambil melihat Ijum nang pina tegap bediri di buncu.
Melihat kekawanannya tasayum, Ijum ni pina himung. "Beuh gagah banar pinanya unda ni, tegap bediri menghadap ke depan," ucapnya dalam hati.
Ijum hanyar sadar kalau diwadahnya bediri tu sekalinya wadah sarang samut nang liwar ganalnya. Igutannya pun bisa membuat urang garing. "Astaga, kada sadar unda. Ni kan sarangnya samut, mati kita," jarnya.
Melihat Ijum nang galisah, kekawanan Ijum pun tambah tasayum. Si Abai nang kasian melihat Ijum di iguti samut bepada wan Ijum. "Jum pindah sini nah, sian ikam mun di situ," sahutnya.
Ijum nang pina gengsi ni kasupanan ditegur wan Abai, bebinian paling bungas di kelasnya. "Kada papa Bai ia, unda dah tebiasa di iguti wan samut," jawab Ijum wan Abai.
Imbah tuntung Apel, Ijum hancap bukah ke kelas. "Aduhhhh, sial banar unda hari ni, sudah di iguti samut batis ku, dilihati wan Abai pulang," gerutunya. (rm-4)
Melihat kekawanannya tasayum, Ijum ni pina himung. "Beuh gagah banar pinanya unda ni, tegap bediri menghadap ke depan," ucapnya dalam hati.
Ijum hanyar sadar kalau diwadahnya bediri tu sekalinya wadah sarang samut nang liwar ganalnya. Igutannya pun bisa membuat urang garing. "Astaga, kada sadar unda. Ni kan sarangnya samut, mati kita," jarnya.
Melihat Ijum nang galisah, kekawanan Ijum pun tambah tasayum. Si Abai nang kasian melihat Ijum di iguti samut bepada wan Ijum. "Jum pindah sini nah, sian ikam mun di situ," sahutnya.
Ijum nang pina gengsi ni kasupanan ditegur wan Abai, bebinian paling bungas di kelasnya. "Kada papa Bai ia, unda dah tebiasa di iguti wan samut," jawab Ijum wan Abai.
Imbah tuntung Apel, Ijum hancap bukah ke kelas. "Aduhhhh, sial banar unda hari ni, sudah di iguti samut batis ku, dilihati wan Abai pulang," gerutunya. (rm-4)
