2009-10-13
Dimakani Lombok
 grafis: adoel |
PANTANGAN wan makanan padas memang jadi hal biasa dijalani Birin. Tapi lelaki nang hanyar masuk kuliah di universitas terkenal di Samarinda ini, mendapatkan pengalaman nang kada nyaman.
Orientasi Pengenalan Kampus (Ospek) nang biasa dilakukan beberapa waktu lalu, menjadi moment nang kada inya lupakan. "Tahulah ikam, kejadian Ospek kemarian tu bakal dikenangnya hingga akhir hayatku," sahut Birin nang pina kesal banar meingat kejadian itu.
Ceritanya pas handak Ospek tu, Birin menulis di secarik kertas soal pantangan apa saja nang kada kawa dilakukan. Birin nang kada tahan wan padas ni laluai menulis "kada tahan padas".
Pengakuan lugu Birin ni, ternyata menarik perhatian bubuhan seniornya, "Wah ada mangsa walai. Inya kada tahan panas, kebujuran banar hari ni inya ulang tahun. Kita gawii ja sudah lah," ungkap seniornya.
Birin nang kada tahu inya bakal digawii seniornya, anteng ja meikuti Ospek di kampusnya tu. Pas setengah acara dimulai, seniornya pun memanggil Birin ke muka. "Siapa nang ngarannya Birin Prama Husada, lakasi ke depan," jar seikung panitia Pspek.
Mandangar ngarannya dikiau, Birin ni pina ciut, gaer mun dikerjai di depan umum. "Bah bisa jadi nang di STPDN ni unda mun disikati di depan," ucap Birin dalam hati.
"Woi sapa woi, lakasi maju kuhitung sampai tiga nang kedada maju kedepan, semuan ku hukum nilah," kuciak senior Birin nang mulai sarik gara-gara Birin kada maju-maju.
"Ulun kak ai nang ngarannya Birin, napa kak," jawab Birin.
Sesaat ke depan, bubuhan senior Birin nang di parak situ, serempak nyanyi lagu selamat ulang tahun. Melihat inya mendapat kejutan, Birin ni lalui takurihing. "Beuh sekalinya kejutan, unda kirai bakal dikerjai," pandirnya dalam hati.
"Ininah ada kado dari kami, cuma inilah, soalnya kedada duit handak nukar nang larang-larang, makan langsung lah," ujar seniornya sambil membari kue Untuk-untuk ke Birin.
"Makasih kak lah, jadi terharu unda nah, kirai handak dikerjai tadi tu," jawab Birin ke seniornya tu.
Imbah makan Birin hanyar sadar kalau inya ternyata masuk perangkap seniornya. Wadai Untuk-untuk tadi ni nang biasanya beisi pisang atau inti kelapa diganti wan lombok padas nang ganal-ganal.
Alih-alih merasa nyaman makan Untuk-untuk, Birin malah bukah mencicing mencari banyu minum. "Padas bungulai, bujur-bujur keterlaluan, digawii jua aku akhirnya, mauk banar," ujarnya. (abe/sapos)
Orientasi Pengenalan Kampus (Ospek) nang biasa dilakukan beberapa waktu lalu, menjadi moment nang kada inya lupakan. "Tahulah ikam, kejadian Ospek kemarian tu bakal dikenangnya hingga akhir hayatku," sahut Birin nang pina kesal banar meingat kejadian itu.
Ceritanya pas handak Ospek tu, Birin menulis di secarik kertas soal pantangan apa saja nang kada kawa dilakukan. Birin nang kada tahan wan padas ni laluai menulis "kada tahan padas".
Pengakuan lugu Birin ni, ternyata menarik perhatian bubuhan seniornya, "Wah ada mangsa walai. Inya kada tahan panas, kebujuran banar hari ni inya ulang tahun. Kita gawii ja sudah lah," ungkap seniornya.
Birin nang kada tahu inya bakal digawii seniornya, anteng ja meikuti Ospek di kampusnya tu. Pas setengah acara dimulai, seniornya pun memanggil Birin ke muka. "Siapa nang ngarannya Birin Prama Husada, lakasi ke depan," jar seikung panitia Pspek.
Mandangar ngarannya dikiau, Birin ni pina ciut, gaer mun dikerjai di depan umum. "Bah bisa jadi nang di STPDN ni unda mun disikati di depan," ucap Birin dalam hati.
"Woi sapa woi, lakasi maju kuhitung sampai tiga nang kedada maju kedepan, semuan ku hukum nilah," kuciak senior Birin nang mulai sarik gara-gara Birin kada maju-maju.
"Ulun kak ai nang ngarannya Birin, napa kak," jawab Birin.
Sesaat ke depan, bubuhan senior Birin nang di parak situ, serempak nyanyi lagu selamat ulang tahun. Melihat inya mendapat kejutan, Birin ni lalui takurihing. "Beuh sekalinya kejutan, unda kirai bakal dikerjai," pandirnya dalam hati.
"Ininah ada kado dari kami, cuma inilah, soalnya kedada duit handak nukar nang larang-larang, makan langsung lah," ujar seniornya sambil membari kue Untuk-untuk ke Birin.
"Makasih kak lah, jadi terharu unda nah, kirai handak dikerjai tadi tu," jawab Birin ke seniornya tu.
Imbah makan Birin hanyar sadar kalau inya ternyata masuk perangkap seniornya. Wadai Untuk-untuk tadi ni nang biasanya beisi pisang atau inti kelapa diganti wan lombok padas nang ganal-ganal.
Alih-alih merasa nyaman makan Untuk-untuk, Birin malah bukah mencicing mencari banyu minum. "Padas bungulai, bujur-bujur keterlaluan, digawii jua aku akhirnya, mauk banar," ujarnya. (abe/sapos)
