abe hedly 99

Kehiimungan karna sudah ganal dan kada dianggap kanak-kanak lagi, Ubay yang hanyar masuk kuliah di salah satu perguruan tinggi terkenal di Samarinda pina pembualan wan kawan-kawannya. "Wal unda keterima ni di fakultas favorit, mantap klo kawal kam ni, " ujarnya pamer dengan kekawalan.

Waktu kuliah pun tiba, Ubay yang pina kada sabaran lagi merasai bangku kuliah harian tu pina gelisah banar. "Uh lawasnya ni, aku kada sabar lagi dah ni handak melihati bebinian bungas dikampus," ucap Ubay dalam hati.

Tulak mengunakan motornya, Ubay pina ngebut ke kampus hanyarnya. imbah sampai, Ubay nang pina sksd(sok kenal sok dekat) langsung masuk ke salah satu kelas, kekawalan yang ada di kelas pun takujut melihat Ubay nang lempang banar masuk kelasnya.

"Ai apa pulang kanak ni. masuk-masuk aja. kada tahu kah inya ni," gerutu mahasiswa disamping Ubay.

Ubay yang merasa ada nang ganjil diperhatikan urang, lalui sadar klo inya ni salah masuk kelas, "Beuh lah, mati unda, yang ku masuki ni sekalinya kelas bubuhan senior," imbuh dalam hati.

Sadar dengan kondisi serba kada nyaman, Ubay lalu permisi wan dosen nang umpat kebingungan melihati tingkah Ubay, "Misi pak lah, maaf ulun kada tahu pa ai." Tandas pada pak dosen.

Mahasiswa yang didalam kelas pun lalui serempak memadahi Ubay dengan seruan "Hooooooo", mandangar tu Ubay pina kesupanan.

"Bujur-bujur membari supan. hari pertama kuliah langsung membari supan kaini, nasib nasib" gerutu Ubay. (abe/sapos)